คอร์ดเพลง Drei Wünsch Frei BAP

คอร์ดที่ใช้: B C#m G#m A

Wie off petsch ich mich en der Ärm, wie off pack ich mir ahn Kopp

Weil neuerdings jonn Saache aff, do köhm em Draum ich nit ens drop.

Su wie ’sch mir letztens en Dos Bier opmaach, doch russ kütt bloß en Fee,

Die säuselt: „Danke, jrooßer Meister, du häss drei Wünsch bei mir frei.“

Ich saare: „Herrlich, Frollein, kann ich wohl en Spur Bedenkzick hann?“

Un sie säät: „Logisch, nur die Ruh, ich maach et Radio sulang ahn.“

Do läuf jraad Werbung un dä Sprecher stöhnt, als jing ihm einer aff:

Dat Kolumbusei des Tages wöhr dä Sounso-Hoostesaff.

’Ne andre Sender, schnell, ejal wat, doch wie jede Naach öm zwölf

Läuf övverall dä Chor, dä jet vun „Einigkeit un Freizeit“ grölt.

„Die Schnulze kenn ich“, saach ich, „dat ess die Musik zur Jeisterstund“,

Maach uss un’t Fernsehn ahn un brech zesamme: Zimmermann enn Bunt.

Dä hällt en Red, die strotz vüür Logik, un ich kotz vüür Sympathie,

Et jeht öm Arbeitsplatzerhaltung enn der Rüstungsindustrie,

Dat zo ’ner Zick, wo dä Planet he längs ahn alle Ecke brennt

Un all sechs Sekund e’ Kind verhungert irjendwo op der Welt.

Die rüste wigger, als wöhr jar nix, met dä Wahnsinns-Konsequenz,

Dat mer Kreechsminister jetz Verteidijungsminister nennt.

Dat, obwohl wirklich rund sinn dürf: Die Nohkreechszick ess lang vorbei,

Dat he ’ss die Vüürkreechszick un zwar die vum Weltkreech Nummer drei.

Jläuv wer tatsächlich ahn dä Nonsens, ess einer wirklich su borniert,

Dat die Nummer met däm „Jleichjewicht“ em Ähnzfall funktioniert?

Sinn mir dann bloß en Lemminghääd, die mer nohm Abjrund dirijiert?

Et ess unfassbar, wie freiwillig sich der Minsch selvs ussradiert.

Wo sinn die Schlachte ahn der Marne? Wo ’ss My Lai, Hiroshima?

Die Bombernäächte, Hamburg, London? Wa’ ‘ss met Beirut, Guernica?

Sinn die Massaker all verdrängk vun Kalavrita bess Warschau?

Ich kenn vun all däm zwar nur Bilder, doch die kenn ich janz jenau.

Ahja, die Fee vum Ahnfang, stemmp, do wohr vun drei Wünsch jo die Red,

Op zwei verzicht ich jähn, wenn bloß dä eezte enn Erfüllung jeht.

Was ’sch mir jewünsch hann, wollt ihr wesse? Deit mer Leid, dat ess jeheim,

Weil dä Verfassungsschutz ess mettlerweile och he drin doheim.